關於 Ritata

Ritata 品牌誕生前傳

以下問題，每次想購買護膚產品，都會不斷浮現：

• 一支潤唇膏竟然有十種八種成分，細細支擺得晒咩？皮膚又係咪真係吸收到?
• 咁多睇唔明既成分？我究竟搽咗啲咩落皮膚度呢？化學成分對皮膚既影响，又唔係短時間可以察覺得到？個人有濕疹問題，皮膚易敏感，咁試會唔會太冒險呢？
• 當然有香味係吸引，但唔要化學香精可以嗎？
• 皮膚食得好點定義呢？係咪至少要知食咗啲咩？
• 皮膚究竟要啲咩，係咪真係成日要食自助餐，食珍饈百味？
• 明知清淡飲食對身體好，咁皮膚呢？

結果，好多時都空手而回。求人不能, 咁求自己啦，Ritata 既概念就產生，皮膚係覆蓋全身，人體最大既器官，本身有自我保護，修復功能，過度依賴太多成分護膚品，好易令本身功能失衡。其實只需簡單幫一把，皮膚自我運作可以更健康。基於呢個忠旨，希望做出成分天然，簡潔，令皮膚易吸收之餘，亦用得安心，舒服 …

萌生端兒，由無意中見到  ‟蜂蠟” 開始，睇到一條用 蜂蠟 做 蜂蠟布 既影片，覺得蜂蠟好特別，對呢種由大自然製造既物質莫明著迷，開始瘋狂睇好多關於蜂蠟既資料，咩嘢係蜂蠟？點樣提取，用途等等… 發覺可以做到好多天然護膚產品，隨之開始探討油，發覺油對皮膚有好多好處，試過好多不同底油，歸納個人或朋友感受，最終都係認為橄欖油最令皮膚舒服自在，配合不同天然花草既特質和好處，慢慢形成 Ritata 旗下的品牌 ＢＡＳＥ（本），由 Herb BASE Balm (花草本膏) 同 Herb BASE Oil (花草本油) ２個為主線。